Elsku vinir

Næsta föstudag verður RISA vísindaferð í KPMG ásamt vinum okkar úr Orator. Í ferðina eru laus 100 sæti, 50 fyrir Mágus og 50 fyrir Orator og stendur hún yfir frá kl 17- 19. Skráning hefst á miðvikudag kl 12.

Við gerum ráð fyrir að ferðin verði alveg hrikalega skemmtileg og upplýsandi fyrir okkur viðskiptafræðinema. KPMG er leiðandi þekkingarfyrirtæki sem býður þjónustu á þremur sviðum; endurskoðunarsviði, skattasviði og fyrirtækjasviði. Öll höfum við náttúrulega brennandi áhuga á þeirra starfsemi og vonandi munum við fjölmenna á svæðið, enda er þetta fyrirtæki þekkt fyrir veglegar veigar og einstaka skemmtun.

Að öðru, en Mágus vs. Orator verður haldið 3. febrúar næstkomandi, þar etja kappi viðskiptafræðinemar gegn lögfræðinemum í öllum helstu íþróttagreinum ásamt ræðukeppni og drykkjukeppni. Það hefur vart farið framhjá neinum að við erum að safna í feykilega góð lið í öllum greinum en okkur vantar þó enþá nokkra í einhverjar greinar.

okkur vantar fólk í reipitog bæði karla og kvenna og körfubolta kvenna..! KOMA SVO KRAKKAR, ef við ætlum að vinna þetta verðum við að vera með..! það verður sjúklega gaman og stoltið sem fólk fyllist af, þegar við vinnum, svíkur engan :)

Skráning á agg27@hi.is

Sjáumst í vísó ;)

Rebbi

Framadagar Háskólanna 2012 verða haldnir þann 1. febrúar í Háskólanum í Reykjavík! Framadagar eru fyrir ALLA háskólanema úr öllum deildum. Framadagar Háskólanna er árlegur viðburður þar sem helstu fyrirtæki landsins kynna starfsemi sína fyrir háskólanemendum. Markmið Framadaga er að háskólanemar geti kynnt sér fyrirtæki og aukið þar með líkur á sumarvinnu, framtíðarstarfi eða verkefnavinnu fyrir fyrirtæki. Sömuleiðis að fyrirtæki kynnist mögulegum starfsmönnum hvort sem er sumarstarfsmönnum eða framtíðarstarfsmönnum.

Stuttar fyrirtækjakynningar verða, örfyrirlestrar verða haldnir yfir daginn, kennarar úr HÍ og HR munu etja kappi í spurningakeppni og lukkuhjól með glæsilegum vinningum verður á staðnum!  Strætó á vegum Framadaga Háskólanna mun ganga á milli HÍ og HR frá 10:45-16:15 og verður í boði fyrir alla.

Ekki láta Framadaga láta fram hjá þér fara!

Finndu okkur á Facebook undir „Framadagar Háskólanna“ og gerðu „like“ við síðuna til að fylgjast með því nýjasta sem viðkemur Framadögum.

Kæru Yrðlingar

Byrjað er að taka móti umsóknum í Gulleggið 2012

Vissir þú að allir geta tekið þátt í Gullegginu sér að kostnaðarlausu og fengið gagnlega rýni og endurgjöf á sína hugmynd?

Ef þú ert með góða hugmynd þá er þetta eitthvað fyrir þig

kv. Rebbi